إعـــــــلان

تقليص

للاشتراك في (قناة العلم والإيمان): واتساب - يوتيوب

شاهد أكثر
شاهد أقل

الاكلات النجفية الاصيلة ((فسنجون وطرشانة))

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الاكلات النجفية الاصيلة ((فسنجون وطرشانة))

    السلام عليكم ورحمة الله وبركاته

    بالحقيقة من دخلت لهذا السم من المنتديات جدا تضايقت لان الاكلات الموجودة بي غربية وتكدرون تحصلون عليها من اي مكان من النت او كتاب ((ابلة نظيرة)) على كولة المتزوجون

    فياريت لو نجعل هذا القسم لتعلم الاكلات الموجودة بمدننا الشيعية الاصيلة الاكلات الي ماتكون موجودة عند غيرة وننشرهة ونسوي تبادل ثقافات بين المدن الشيعية خاصة بمجال المطبخ

    ولاني احب هذين الاكلتين الطرشانة والفسنجون بس بالحقيقة ما اعرف اشلون يسووهم اطلب من اخواتي المواليات النجفيات و الكرديات الفيليات خصوصا والعراقيات عموما
    نشر علومهن المطبخية لهذين الوصفتين الرائعتين خصوصا لاخواننا الخليجيين المحرومين ولأنهم ما يعرفون غير المجبوس يا حرام

    والسلام

  • #2
    انا اؤيد هذا الإقتراح وياريت العراقيات خصوصا يحطون طبخاتهم لان الطبخ العراقي لذيييييييييذ جدا
    وراح نجربهم

    تعليق


    • #3
      شوقتوني للطبخ العراقي

      و الأكلات العراقية

      وينكم يالعراقيات

      ورونا شطارتكم...

      تعليق


      • #4
        اللهم صل على محمد وآل محمد وعجل فرجهم
        أي والله ياليت تفيدونا بالطبخات العراقية الشهية اللذيذة
        ولما تشرفت بزيارة العتبات المقدسة على ساكنيها أفضل الصلاة والسلام
        ورزقنا وإياكم زيارتهم
        تذوقت الأكل عندهم والطبخ شيئ عجيب ماشاء الله وتبارك الرحمن
        وخصوصاً الكباب العراقي لذيذ بشكل
        بس أخ خادم شنو معناة فسنجون وطرشانه؟؟
        يعني مكونة من شنو
        دمتم بعافية

        تعليق


        • #5
          الطرشانة والفسنجون هي اكلة اصلهة الحقيقي كراد فيلية لكن النجفيين يسووهة عجب

          الطرشانة عبارة عن مشمش مجفف جدا ويضاف الة شي يشبه الكشمش اسمة عالوجة ((جيم بثلاثة نقاط)) و يطبخوهة اما مع دجاج او لحم و يضاف اله لوز محمص و الباقي حسب الرغبة من مكسرات

          الريقة حسب الي اعرفهة هو ان يطبخ اللحم او الدجاج و يستوي
          ثم يتنقع الطرشانة حيث تلين وتنظف بالماء جيدا لانه تعر يصير احيانا رمل الخ
          ثم توضع الطرشانة والعالوجة مع ماء الدجاج او اللحم ((الحقيقة انا افضلهة بدون ماء دجاج ولحم الماء العادي فقط))
          ثم توضع على النار الى ان تحسهة شي تشرب من شي
          يضاف الدبس والشكر حسب الذوق ((انا افضل الدبس يكون اكثر من السكر))
          اذا اضفتوا دبس التمر راح يكون لونهة غامق والطعم حلو
          واذا سكر يكون اللون فاتح بي لسعة حموضة
          ويمكن اضافتهم اثنينهم
          يوجد ناس تحب الطرشانة كاملة يعني مو مهروسة ((كل شي مستوي بس لوحدة الطرشانيياية مستوية وبس لحالهة ))
          وناس لا تحبهة مهروسة ما عليكم الا ان تقلبوهة اكثر وعلى النار اكثر و تكون متماسكة اكثر متجانسة اكثر
          اللوز يحمص بالزيت لكن حمصوه زايد علمود لا يذوب المرقة يكون اطيب
          اكو ناس تحط حمص لكن الحمص يحمض المرقة اذا صار هواية او انتركت لفترة

          اكو ناس تاكلهة مع الرز وناس تحب تحلي بيهة بعد الاكل
          بالنسبة الي اذا كانت السكر اكثر من البس اكلهة مع الرز
          واذا كان الدبس اكثر من السكر اكلهة بعد الاكل ومع الرز وفي كل حين ((طبعي احب الحلاة))
          وبالعافية


          اما الفسنجون فعبارة عن حب رمان مجفف و راشي ((طحينة السمسم)) وايضا تكدرون على تطبخوهة على لحم او دجاج او فقط ماء هذي ما اعرفهة جيد ننتظر الاخوات يشرحولنياهة احسن

          الطرشانة اشهر من الفسنجون لان عدنة بالعراق مواد الطرشانة متوفرة تقريبا في كل محلات البقالة ((في المناطق الشيعية )) و تطبخ في المناسبات كثيرا مثلا في المجلس الحسينية في البيوت ((لا تطبخ في الحسينيات))
          في ليالي القدر والشعبانية ((تقليد عائلي))

          اهل الجنوب مثل ناصرية وبصرة وعمارة ما يحبون هذي الاكلات إلا نادرا
          هذي الاكلات اهل كربلاء والنجف والكاظمية و بقية المناطق الي اصل اهلهة معظمهم من تلك المشاهد الشريفة

          وياريت ياريت الاخوات النجفيات يعطونة الطريقة الصحيحة تعرفون انا اعرفهة من السمع واسويهة على الذوق يعني مو متخصص

          تعليق


          • #6


            اي والله اؤيد هذا المقترح !!!!!!!!!!!!!!!!!!!!!!!!!!!!!!!


            بس وينهن الخوات ؟؟؟؟؟؟؟؟؟؟؟؟؟؟؟؟؟؟؟؟؟؟؟

            الفيليات والنجفيات والكراديات والكربلائيات ...............


            علمود يصير وان شاء الله بجهودچن المطبخ عامر ......


            يلة احنة بالانتظار .............................................

            واذا اترديون اساعدكم اني برسم الخدمة لان دا اخدم خدام الحسين

            والله .................................................. .....


            اخوكــــــــــــــــــ الميرزا ـــــــــــــــــــــــم

            تعليق


            • #7
              المشاركة الأصلية بواسطة فرقد النور
              انا اؤيد هذا الإقتراح وياريت العراقيات خصوصا يحطون طبخاتهم لان الطبخ العراقي لذيييييييييذ جدا
              وراح نجربهم

              فعلا كلنا نبي نتعلم الطبخ العراقي الاصلي

              تعليق


              • #8
                من متى فسنجون صارت اكله عراقيه

                هى اكله ايرانيه

                وشكراااا

                تعليق


                • #9
                  السلام عليكم

                  المشاركة الأصلية بواسطة فرقد النور
                  انا اؤيد هذا الإقتراح وياريت العراقيات خصوصا يحطون طبخاتهم لان الطبخ العراقي لذيييييييييذ جدا
                  وراح نجربهم


                  وخاصة الكباب العراقي وحلاوة القيمر
                  مع تحياتي

                  تعليق


                  • #10
                    السلام عليكم


                    المشاركة الأصلية بواسطة فرقد النور
                    انا اؤيد هذا الإقتراح وياريت العراقيات خصوصا يحطون طبخاتهم لان الطبخ العراقي لذيييييييييذ جدا
                    وراح نجربهم
                    وخاصة الكباب العراقي وحلاوة القيمر


                    مع تحياتي

                    تعليق


                    • #11



                      خواتي الوووووووووووووووووووووووووووووووووو


                      وينچن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


                      يلة اتوكلن على الله وخلينة نبدأ .............................



                      اني في الانتظار .................................................




                      اخوكـــــــ بشار النجفي ـــــــــــــــــــــــــــــم.

                      تعليق


                      • #12
                        الفسنجون بالاصل طبخه ايرانیه

                        وشکرا لکم علموضوع

                        تعليق


                        • #13
                          السلام عليكم ورحمت الله وبركاته انا اويد هذا الموضوع بس الفسنجون مو اكله ا يرانيه نجفيه بحته وانشاء الله راح انطيكم الوصفه اختي العزيزه الطحينيه مو شي اساسي بيه حسب الرغبه بس بصراحه اني ماافضل الطحينيه اول شي تنقعين الدجاج بعصير الرمان لمده يوم كامل يعني بليل وبعدين لما تردين اطبخينه اتسوين بصل شرائح وتقليه اتحاولين تفتتين الدجاج من العضم وتحمسينه ويا اتركينه اشوه 8دقايق وبعدين اجيبين اصنوبر وتخلي فوكاته وبعدين اجيبين عصير الرمان يفضل رمان يابس ومنقوع لانه بعض الناس يخلوله عصير جاهز بس هيجي ماطيب ايصير بعد ماتخلين عصير الرمان اتخلين ويا اشويه سلك او شبزي تقريبا بكف الايد للتثخانه وملح وشويه ابهارات وصحتين وعافيه على فكره هايه الطريقه الاصليه الي احنه انسويه ومعروفين بيهاحنه اهل النجف وغير هيجي تره والله ماطيبه اتصير اتمنه ردكم اختكم المغتربه

                          تعليق


                          • #14
                            بِسْمِ اللهِ الْرَّحْمَنِ الرَّحِيِمِ
                            الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
                            *******************
                            الف شكر

                            امممممممممممممممم طيبه الفسنجون روووعه وما حد يعرفه غير اهل النجف يعني احنا نطبخه فقط بالرمضانيات وسهل بس يريد واحد يتعب عليه بس ابدا لاتخلون راشي فوقه لان يصير طعمه مو طيب ابد خلوله لب الجوز يجنن ويخبل .
                            بارك الله فيكي
                            تحياتي
                            بنت النجف الاشرف

                            تعليق


                            • #15
                              شي حلو مشكورين خواتي عالوثفات

                              بارك الله بيكم

                              تعليق

                              المحتوى السابق تم حفظه تلقائيا. استعادة أو إلغاء.
                              حفظ-تلقائي
                              x

                              رجاء ادخل الستة أرقام أو الحروف الظاهرة في الصورة.

                              صورة التسجيل تحديث الصورة

                              اقرأ في منتديات يا حسين

                              تقليص

                              لا توجد نتائج تلبي هذه المعايير.

                              يعمل...
                              X